Skip to content

9 September 2026

Balghar Prakalp, Tapovan Road, Ahilyanagar

३१ बाप्पा — छोट्या कलाकारांच्या आनंदाचे प्रतीकThirty-one Ganpatis, symbols of the children's joy

Thirty-one Ganpatis, symbols of the children's joy

सहयोग समर्पण सेवा फाउंडेशनतर्फे बालघर प्रकल्प, तापोवन रोड, अहिल्यानगर येथे गणपती मूर्ती बनवण्याची कार्यशाळा उत्साहात संपन्न झाली.

कार्यशाळेचे मार्गदर्शन श्री. अशोक डोळसे सर, अहिल्यानगरमधील उत्कृष्ट व असामान्य कलाकार, यांनी केले.

३१ मुलांनी सहभाग घेतला आणि प्रत्येक मुलाने स्वतःच्या हाताने शाडू मातीची एक गणपती मूर्ती साकारली. मातीला आकार देताना त्यांच्या चेहऱ्यावरचा आनंद, उत्साह आणि आत्मविश्वास पाहणे हा खरा समाधानाचा क्षण होता.

आमच्या स्वयंसेवकांनीही मुलांसोबत प्रत्यक्ष मूर्ती बनवत त्यांना प्रोत्साहन दिले. या उपक्रमातून मुलांना कला, सर्जनशीलता, संयम आणि आत्मविश्वास यांचा सुंदर अनुभव मिळाला.

सर्व सहभागी मुलांना भेटवस्तू देण्यात आल्या, तर उत्कृष्ट कलाकृतींसाठी छोट्या कलाकारांचा पारितोषिक देऊन गौरव करण्यात आला. कार्यक्रमानंतर अल्पोपहाराचीही व्यवस्था करण्यात आली.

मुलांच्या सर्वांगीण विकासासाठी क्रिकेट बॅट-बॉल, बॅडमिंटन रॅकेट आणि फुटबॉल असे क्रीडा साहित्य देण्यात आले, तसेच त्यांच्या सायकलींच्या दुरुस्तीसाठीही मदत करण्यात आली.

३१ बाप्पा म्हणजे केवळ मातीच्या मूर्ती नव्हेत; त्या ३१ छोट्या कलाकारांच्या कल्पनाशक्ती, मेहनत आणि आनंदाचे प्रतीक आहेत! मुलांच्या चेहऱ्यावरचे हास्य आणि डोळ्यांतील चमक हीच आमच्या उपक्रमाची खरी कमाई!

!! सेवा हेच कर्म !!

  • सहभागी मुलाने साकारलेली शाडू मातीची गणपती मूर्ती

    A shadu-clay Ganpati shaped by a young participant

  • बालघर प्रकल्पातील मुले त्यांच्या गणपती मूर्तींसोबत

    Children of Balghar Prakalp with their Ganpati idols

  • समिती सदस्य मुलांना मार्गदर्शन करताना

    Committee members guiding the children

  • कार्यशाळेत साकारलेले ३१ बाप्पा

    Thirty-one Ganpati idols from the workshop